គ្រូក្រុមឡាវថា អត់មានកីឡាករ ​Super Star សម្រាប់លេងស្អែកនេះទេ តែអាចយកឈ្នះក្រុមជើងឯកលីគកំពូលកម្ពុជាបាន | BayKdang គ្រូក្រុមឡាវថា អត់មានកីឡាករ ​Super Star សម្រាប់លេងស្អែកនេះទេ តែអាចយកឈ្នះក្រុមជើងឯកលីគកំពូលកម្ពុជាបាន | BayKdang

គ្រូក្រុមឡាវថា អត់មានកីឡាករ ​Super Star សម្រាប់លេងស្អែកនេះទេ តែអាចយកឈ្នះក្រុមជើងឯកលីគកំពូលកម្ពុជាបាន

(ភ្នំពេញ)៖ គ្រូបង្វឹកក្រុមជើងឯកលីគកំពូលឡាវ Lanexang United លោក Leonardo Vitorino បានឲ្យដឹងថា នៅក្នុងជំនួបវគ្គពាក់កណ្ដាលផ្ដាច់ព្រ័ត្រពាន TOYOTA Mekong Club Championship 2016 ជាមួយក្រុមម្ចាស់ផ្ទះបឹងកេតអង្គរស្អែកនេះ ក្រុមខ្លួនគ្មានកីឡាករ Super Star ឡើយ ប៉ុន្ដែលោកមានជំនឿចិត្តអាចយកឈ្នះក្រុមជើងឯកលីគកំពូលកម្ពុជានេះបាន ដោយសារពាក្យ ៣ឃ្លា គឺស្មារតីជាក្រុម សហការជាក្រុម និងមិត្តភាព។

localsoccer1

លោក Leonardo Vitorino បានថ្លែងក្នុងសន្និសីទសារព័ត៌មាននៅសណ្ឋាគារភ្នំពេញ កាលពីព្រឹកមិញថា «ក្រុមបឹងកេតអង្គរ ពិតជាមានផលចំណេញច្រើនក្នុងនាមជាម្ចាស់ផ្ទះទាំងអ្នកគាំទ្រ និងទីលានស្មៅសិប្បនិម្មិតស្គាល់ច្បាស់ បូករួមទាំងកីឡាករ Super Star ជាច្រើនដូចជា ឃួន ឡាបូរ៉ាវី, ស៊ូ យ៉ាទី និង ចាន់ វឌ្ឍនាកា ជាដើម។ ប៉ុន្ដែក្រុមខ្ញុំគ្មាន Super Star ទេ តែអ្វីជា Super Star គឺការលេងជាក្រុម មិត្តភាព និងការសហការគ្នា។ ក្រុមខ្ញុំមកទីនេះ គឺលេងដើម្បីអ្នកគាំទ្រឡាវ ហើយការប្រកួតថ្ងៃស្អែក គឺជាការប្រកួតដ៏អស្ចារ្យ ដែលយើងនឹងមើលឃើញទាំងអស់គ្នា»។

localsoccer2

ទន្ទឹមជាមួយការលើកឡើងរបស់គ្រូបង្វឹកជនជាតិប្រេស៊ីលខាងលើ ក៏មិនបានធ្វើឲ្យលោក ប្រាក់ សុវណ្ណារ៉ា គ្រូបង្វឹកក្រុមបឹងកេតត្រេកអរដែរ ព្រោះលោកដឹងថា ក្រុម Lanexang United មិនមែនជាក្រុមធម្មតាឡើយ។ ជាក់ស្ដែងពេលក្រុម Laos All Stars ជួបក្រុម Cambodia All Stars ដែលកីឡាករឡាវភាគច្រើនមកពីក្រុម Lanexang United នេះ គឺពួកគេបានបង្ហាញទម្រង់លេងដ៏ល្អ ដែលធ្វើឲ្យបឹងកេតមិនអាចធ្វេសប្រហែសបានឡើយ។ តែយ៉ាងលោក បានប្ដេជ្ញាចិត្ដធ្វើឲ្យបានល្អបំផុត ដើម្បីអ្នកគាំទ្រ និងប្រទេសជាតិរបស់ខ្លួនក្នុងការប្រកួតស្អែកនេះ៕

localsoccer3

ប្រភព៖ Khmertalking

ហាមដាច់ខាតការយកអត្ធបទ ពីវេបសេយ www.baykdang.com ដោយគ្មានការអនុញ្ញាតិ បើលោកអ្នក ត្រូវការអត្ថបទ សូមទំនាក់ទំនងមកលេខ៖ 093​ 77 93 77