ប្រុសៗនៅឥណ្ឌា នាំគ្នាផឹកទឹកនោមគោញីយ៉ាងឆ្ងាញ់ ព្រោះជឿថាព្យាបាល់ជំងឺបានច្រើនមុខ (មានវីដេអូ) | BayKdang ប្រុសៗនៅឥណ្ឌា នាំគ្នាផឹកទឹកនោមគោញីយ៉ាងឆ្ងាញ់ ព្រោះជឿថាព្យាបាល់ជំងឺបានច្រើនមុខ (មានវីដេអូ) | BayKdang

ប្រុសៗនៅឥណ្ឌា នាំគ្នាផឹកទឹកនោមគោញីយ៉ាងឆ្ងាញ់ ព្រោះជឿថាព្យាបាល់ជំងឺបានច្រើនមុខ (មានវីដេអូ)

បុរសៗជាច្រើនក្នុងភូមិ Udaipur របស់ប្រទេសឥណ្ឌា នាំគ្នាផឹកទឹកនោមគោញីដើម្បីប្រឆាំងនឹងជំងឺផ្សេងៗ។ ពួកគេក៏បានយកទឹកនោមគោនោះទៅលានលើផ្ទៃមុខ និងដៃពីរដងក្នុងមួយថ្ងៃផងដែរដើម្បីធ្វើឲ្យស្បែកដៃទន់ និងធ្វើឲ្យមុខគ្មានមុន ហើយនៅចុងសប្តាហ៍នីមួយៗ ពួកគេក៏យកទឹកនោមដែលប្រមូលពីគោញីចំនួន៣០ក្បាលទៅងូតផងដែរ។

ក្នុងវប្បធម៌របស់សាសនាហិណ្ឌូ សត្វគោត្រូវបានគេចាត់ទុកថា គឺជាសត្វដ៏ស័ក្កសិទ្ធិបំផុត និងផលិតណាក៏ដោយឲ្យចេញពីសត្វគោមិនថា ទឹកដោះគោ ឬទឹកនោមក៏ដោយ ត្រូវបានគេជឿជាក់ថា ជាថ្នាំដ៏ស័ក្កសិទ្ធិដើម្បីយកទៅព្យាបាល។ បុរសម្នាក់ដែលមានឈ្មោះថា Hemant Paliwal វ័យ៣៦ឆ្នាំ បានផឹកទឹកនោមគោក្តៅៗឧណ្ហៗមួយកែវជារៀងរាល់ថ្ងៃ អស់រយៈពេល៤ឆ្នាំមកហើយ និងតែងតែងូតទឹកនោមគោជាទៀងទាត់។

លោក Hemant បានឲ្យដឹងថា៖ «ខ្ញុំធ្លាប់មានជំងឺសួតយ៉ាងធ្ងន់ធ្ងរ ហើយនិងក្អក និងមានជំងឺផ្តាសាយជាញឹកញាប់។ ខ្ញុំក៏មានមុនលើផ្ទៃមុខផងដែរ ប៉ុន្តែ នៅពេលដែលខ្ញុំបានចាប់ផ្តើមលាបទឹកនោម មុខរបស់ខ្ញុំអស់មុនត្រឹមតែរយៈពេល១សប្តាហ៍។ ចាប់តាំងពីពេលនោះមក វាគ្មានចន្លោះថ្ងៃណាមួយដែលខ្ញុំមិនបានផឹកទឹកនោមគោឡើយ»។

លោក Yogesh Paliwal វ័យ៣២ឆ្នាំ ដែលបានចូលរួមជាមួយនឹងលោក Hemant ជារៀងរាល់ព្រឹកក្នុងការផឹកទឹកនោមគោនោះ បាននិយាយថា៖ «ទឹកនោមគោក៏ដាក់លក់នៅលើទីផ្សាររបស់ឥណ្ឌាផងដែរ ប៉ុន្តែ យើងមានទឹកនោមគោជាច្រើននៅក្នុងភូមិរបស់យើង ហេតុនេះ យើងមិនចាំបាច់ទិញឡើយ។ ខ្ញុំផឹកទឹកនោមគោស្រស់ៗ ក្រោយពីយកពីសត្វគោ។ អត្ថប្រយោជន៍របស់វាគឺពិតជាអស្ចារ្យ។ វាព្យាបាលជំងឺហឺតរបស់ខ្ញុំទាំងស្រុង»៕

ប្រភពព័ត៌មាន៖ The Coverage

ហាមដាច់ខាតការយកអត្ធបទ ពីវេបសេយ www.baykdang.com ដោយគ្មានការអនុញ្ញាតិ បើលោកអ្នក ត្រូវការអត្ថបទ សូមទំនាក់ទំនងមកលេខ៖ 093​ 77 93 77