ទស្សនា​​វីដេអូ​ដ៏​រន្ធត់ រថយន្ត​​ធន់​ធំដាច់​ហ្វ្រាំង​​បុករះ បណ្តាល​​​​​ឲ្យ​​​​របួស​​ ២នាក់ ខូច​រថយន្ត និង​ម៉ូតូ​សរុប ៣គ្រឿង | BayKdang ទស្សនា​​វីដេអូ​ដ៏​រន្ធត់ រថយន្ត​​ធន់​ធំដាច់​ហ្វ្រាំង​​បុករះ បណ្តាល​​​​​ឲ្យ​​​​របួស​​ ២នាក់ ខូច​រថយន្ត និង​ម៉ូតូ​សរុប ៣គ្រឿង | BayKdang

ទស្សនា​​វីដេអូ​ដ៏​រន្ធត់ រថយន្ត​​ធន់​ធំដាច់​ហ្វ្រាំង​​បុករះ បណ្តាល​​​​​ឲ្យ​​​​របួស​​ ២នាក់ ខូច​រថយន្ត និង​ម៉ូតូ​សរុប ៣គ្រឿង

(កំពង់ចាម)៖ គ្រោះថ្នាក់ចរាចរណ៍ដ៏រន្ធត់មួយ បានធ្វើឲ្យអ្នកដំណើររាប់សិបនាក់ ភ័យឡើងព្រលឹងចុងសក់ និងផ្តួលរត់ចោលម៉ូតូ មិនចង់ទាន់នៅពេលមានរថយន្តធន់ធំមួយគ្រឿង បានដាច់ហ្រ្វាំង ពេលកំពុងបើកចុះ ពីលើស្ពានគីហ្សូណា ទីរួមខេត្តកំពង់ចាម ហើយមកបុករះអ្នកកំពុងធ្វើដំណើរ នៅតាមផ្លូវនារង្វង់មូល បណ្តាលឲ្យមានអ្នករងរបួស២នាក់ និងខូចខាតរថយន្ត ម៉ូតូសរុប៣គ្រឿង។

គ្រោះថ្នាក់ចរាចរណ៍ដ៏ព្រឺព្រួចនេះ បានបង្កឲ្យមានការភ្ញាក់ផ្អើល នៅក្បាលព្រលប់ថ្ងៃទី១៥ ខែឧសភា ឆ្នាំ២០១៨ នៅចំណុចរង្វង់មូលគល់ស្ពានគីហ្ស៊ូណា ស្ថិតក្នុងភូមិទី៣ សង្កាត់វាលវង់ ក្រុងកំពង់ចាម ខេត្តកំពង់ចាម។

យោងតាមរបាយការណ៍របស់ ស្នងការនគរបាលខេត្តកំពង់ចាម បានឲ្យដឹងថា រថយន្តបង្កគ្រោះថ្នាក់ចរាចរណ៍នេះ បង្កឡើងដោយរថយន្តហ៊ិនដាយ ពណ៌ស ស្លាកលេខ ព្រះសីហនុ 3A-3812 បើកបរដោយឈ្មោះ លី គឹមលន់ ភេទប្រុស អាយុ២៩ឆ្នាំ នៅភូមិថ្មីសែនជ័យ ឃុំទួលសុភី ស្រុកអូរាំងឪ ខេត្តត្បូងឃ្មុំ។

មុនពេលកើតហេតុ រថយន្តបង្កបើកចុះពីលើស្ពានពីកើតទៅលិច ស្រាប់តែបានដាច់ហ្វ្រាំង ក៏ជ្រុលទៅបុករថយន្តម៉ាកសាំយ៉ុងពណ៌លឿង ស្លាកលេខភ្នំពេញ2AJ-7749 បើកបរដោយឈ្មោះ ឈាង គឹមហ៊ាង ភេទប្រុស អាយុ៣០ឆ្នាំ នៅភូមិអណ្តូងតាពេជ្រ ឃុំថ្មពួន ស្រុកព្រៃឈ ខេត្តកំពង់ចាម (បើកពីលិចទៅកើត) និងបានជ្រុលទៅបុកម៉ូតូ ហុងដាសេ125 ពណ៌ខ្មៅ ស្លាកលេខស្ទឹងត្រែង 1A-2006 បើកបរដោយឈ្មោះ ញ៉ាន ស៊ីណេត ភេទស្រី អាយុ២៦ឆ្នាំ រស់នៅភូមិស្លាបក្តិង ឃុំជប់ ស្រុកត្បូងឃ្មុំ ខេត្តត្បូងឃ្មុំ បណ្តាលឲ្យរបួសធ្ងន់ និងអ្នកអង្គុយពីក្រោយឈ្មោះ ហ៊ន់ គា ភេទស្រី អាយុ២៤ឆ្នាំ រស់នៅភូមិ ឃុំជាមួយគ្នា របួសស្រាល និងម៉ូតូមួយគ្រឿងទៀត ម៉ាកហុងដាសេ125 ពណ៌ខ្មៅ ស្លាកលេខគ្មាន បើកបរដោយឈ្មោះ ចន សេរី ភេទប្រុស អាយុ២៤ឆ្នាំ នៅភូមិត្រពាំងថ្មឃុំក្រឡា ស្រុកកំពង់សៀម ខេត្តកំពង់ចាម តែសំណាងល្អគ្មានរបួស។

បើតាមរបាយការណ៍ នៅពេលកម្លាំងសមត្ថកិច្ចទៅឆែកនៅក្នុងរថយន្តបង្កនោះ ស្រាប់តែបានប្រទះឃើញមានថ្នាំញៀនចំនួន៣កញ្ចប់ ហើយអ្នកបើករថយន្តត្រូវបានឃាត់ខ្លួន ចាត់ការតាមនីតិច្បាប់៕

ហាមដាច់ខាតការយកអត្ធបទ ពីវេបសេយ www.baykdang.com ដោយគ្មានការអនុញ្ញាតិ បើលោកអ្នក ត្រូវការអត្ថបទ សូមទំនាក់ទំនងមកលេខ៖ 093​ 77 93 77